Челядь висьталöны аттьö

«Добро пожаловать» - ылысянь на тыдалö кумач гöрд дöра вылын гырысь гижöд. Быдöнлöн, кодi тайö лунас волiс Кöрткерöсса выль сад-яслиö, чужöм вылас вöлi нимкодьлун.
Март 25 лунö воссис 60 челядьлы выль сад-ясли – «Солнышко».
Кор пыран группöвöй комнатаясö, гöгöрвоан, мый сад-яслисö абу прöста нимтöмаöсь тадзи. Сэнi югыд да шоныд, оз сöмын челядьлöн, но и бать-мамлöн петö нюмыд.
Сiйö лунö, асывнас, челядь локтöдз ёна водзджык на сэтчöс уджалысьяс нöшта на гöгöр видзöдлiсны, прöверитiсны. Ставыс дась.
Со и заводитiсны локтавны челядь асланыс бать-мамкöд. Быдöнлöн кыпыд настроение. Челядь пöрччысьöны быдöн асланыс шкафчикъясö, но группаö пырны оз на позь: öдзöсьясö нюжöдöма гöрд шöвк лента. Челядь сулалöны радöн-радöн, на сайын бать-мам, гöстьяс.
Торжественнöй юкöнсö восьтö сельсöветса председательöс вежысь А. И. Кутькина. Сiйö висьталö, мый öнi эм став позянлуныс дöра челядьöс бура быдтöм да воспитайтöм вылö. Со и нöшта öти пöдарок миян сиктса челядьлы вöчисны строительяс.
Младшöй группаын Галя Казакова, а старшöйын – Коля Киселёв вундöны лентаяс, и челядь музыка шы улын радлiгтыр пырöны группаясö.
Челядьлы да сад-яслиса уджалысьяслы бур сиана кывъясöн сёрнитö роноса инспектор Н. А. волкова.
Челядь да коллектив нимсянь аттьöалана кыв висьталö сэтысь заведующöй Д. Ф. Нестерова. Челядь дружнöя öти гöлöсöн татшöм гажа, югыд да шоныд детсад стрöитöмысь шуöны ыджыд аттьö.
Сэсся детсадса воспитанникъяс бать-мамлы да гöстьяслы сьылiсны песняяс, висьталiсны кывбуръяс, йöктiсны.
Детсадса воспитательницаяс А. В. Нестероваöс да Р. Д. Тимушеваöс кытшалöны челядь. Яслиса няня Г. Д. Елфимова сiдз жö ичöтъясöс нуöдö аслас группаö. Найöс торйöн нин мелiа кужис примитны медсестра Н. Н. Горячева.

М. Старцева

Звезда, 1969, 29 марта

Источник: Старцева, М. Челядь висьталöны аттьö / М. Старцева // Звезда. – 1969. – 29 марта. – Пер. загл.: Дети говорят спасибо.

Дети говорят спасибо

«Добро пожаловать» - издалека виднеется надпись на красной ткани. У каждого, кто пришел в этот день в новый ясли-сад, светятся глаза.
25 марта открылся ясли-сад «Солнышко» для 60 детей.
Когда заходишь в группы, понимаешь, что, не зря ясли-сад так назвали. Там светло и тепло, не только у детей, но и у родителей не сходит улыбка с уст.
В этот день, рано утром, до прихода детей работники еще раз все обошли, проверили, все ли в порядке.
Вот и начали приходить детишки с родителями. У каждого хорошее настроение. Дети раздеваются в свои шкафчики, но в группы заходить нельзя: на дверях протянута красная ленточка. Дети стоят рядами, за ними родители и гости.
Торжественную часть открывает зам. председателя сельсовета А.И.Кутькина. Она говорит, что теперь есть все возможности для хорошего воспитания детей. Вот и еще один подарок сделали строители для наших детишек.
В младшей группе Галя Казакова, а в старшей – Коля Киселев режут ленточки, и дети под музыку заходят в группы.
С напутственными словами для детей и работников ясли-сада выступает инспектор РОНО Н.А.Волкова.
Благодарственные слова от имени детей и коллектива сказала заведующая детским садом Д.Ф. Нестерова. Дети дружно говорят спасибо за такой уютный, теплый и светлый детский сад.
Затем воспитанники детсада для родителей и гостей спели песни, читали стихи, танцевали.
Воспитателей А.В.Нестерову и Р.Д.Тимушеву окружают дети. Нянечка ясельной группы Г.Д.Елфимова ведет своих малышей в группу. Их очень ласково встречает медсестра Н.Н.Горячева.