Попова Виктория
Попова Виктория, 1994 г.р., с.Сторожевск,.
Пишу стихи и статьи на коми и на русском языках. Основные темы - это родная природа, времена года, философия жизни, судьба и творчество талантливых людей.
Вежа Жанна Д’Арк
Ен-Батьыс тшӧктiс,
Олӧмыс корис
Дорйыны-мездыны
Ас чужан му!
Зэв на томиник Жанна Д’Арк
Англичанаӧс вӧчис пурк-парк.
Сэки Енмыслӧн корӧм: «Вӧч тадз!»
Пӧртсис олӧмӧ дзик сiдз нач.
Мичаӧсь йӧзыс ӧд Франция пасьта,
Тӧдӧны ассьыныс дон.
Квайтсё во сайын нин Франция дасьтiс
Нывка-геройӧс, код зонсьыс на зон.
Омӧля эскисны вывтi том нывлы,
Зэвтлiсны сы водзӧ дзугсяна тыв,
Куимсё морт пӧвстысь индiс Корольӧс-
Сетлӧма Енмыс тай туналан вын.
Жанналы дасьтiсны воюйтан кӧлуй,
Сетiсны йӧзӧс да ас дӧрапас.
Косьясыс мунiсны ӧкмыс лун сӧмын…
Óрлеан мездӧма! Óрлеан ас!..
Лёк бургунечьяс тай босьтiсны пленӧ:
Вежалӧм-лёкалӧм некор оз быр.
Жанна, эз дорйы король Карлыд тэнӧ!
Бур вӧчӧмыд вунiс пырысьтӧм-пыр.
Повтӧм пӧсь сьӧлӧмтӧ, Жаннаӧй, тэнсьыд
Вичколӧн бипурыс весиг эз сот,
Олӧмыд кулӧмкӧд сэтшӧма вензис,
Пыр кежлӧ ловъя тэ уна сё во.
Сьӧлӧмшӧр, Óрлеан Деваӧй-нылӧй,
Тӧдӧны тэ йылысь ставсӧ сюсь йӧз,
Дорйыны Ас мутӧ ышӧдiн кылӧн,
Юрбитiн Енлы, эн петкӧдлы грӧз.
Франция помнитӧ тэнӧ, збой нылӧй.
Казьтылӧ бурлунсьыс быд ловъя лов.
Олӧмтӧ тэнсьыд ми лыддям и кылам,
Иоанна – Жанетта, кузя на ов!
Новости
