Радейтöны вöлöм
Апрель 22 лун Одыбса культура керка вöлі тыр йöзöн. Сэні муніс став Россияса «Библионочь-2016» акция, кытчö пырöдчис и сиктса библиотека. Библиотекаын зільысьяс — Лариса Юрьевна да Татьяна Юрьевна — нуöдісны кино волы сиöм библиоринг ворсöм. А киноыд миян олöмын зэв на и тöдчана. Ворсöм-венласьöмö окотапырысь пырöдчис вит команда. Больничаын уджалысьяслöн — «Верные друзья», школаысь — «Ах, водевиль…» да детсадйысь — «Вам и не снилось», ветеранъяслöн — «Три плюс два». Нöшта колö ошкыштны Ӧзын грездын олысь том ветеранъясöс, кодъяс абу повзьöмаöсь туйысь ни пемыдысь. Ассьыныс котырсö шуö-маöсь «Девчатаöн». Командаяслы (быдын 5 морт) колö вöлi вочавидзны уна сикас юалöм вылö, сы лыдын киноысь шылад-сьыланкыв, артистъяс, мультфильмса геройясöс шыöдысьяс йылысь да с.в.
Зэв кывкутöмöн командаяс дасьтöмаöсь вöлi и «гортса удж». Найö петкöдлісны радейтана фильмъясысь юкöнъяс. А кутшöма ливкйöдлісны бара жö радейтана киноясысь мыла сьыланкывъяс!
Бура тöдöны да радейтöны вöлöм кинотö, тэрыба сеталісны вочакывсö.Тайö ворсöмыс вöлi эз сöмын гажöдана, но и тöдöмлун сетана. Жюри вылö донъяліс став командаыслысь петкöдчöмсö. Медся уна балл öкмис школаын зільысьяслöн, больничаын да детсадйын уджалысьяслöн. Ворсысьяслы вичмис юмов козин — тшай юны торт. Ыджыд аттьö висьталiны видзöдысьяс тайö гажсö котыртысьяслы да сэнi ворсысьяслы.
Зоя ЖИЖЕВА.
Новости
