concurs.jpg

Неважöн Кöрткерöсса шöр библиотекаын нимöдiсны «Литературнöй карта» диск. Электроннöй небöгас йöзöдöма районса став гижысьсö.

Кöрткерöс район озыр енбиа йöзöн. Перö-ручкаöн вöдитчысьяслöн ним-овыс, кодъясöс йöзöдöмаöсь «Литературнöй картаын», öкмöма 50 сайö.

Электроннöй небöгын быдöнлы сиöма торъя лист бок. Медводз позьö тöдмасьны литературалы подув пуктысьяс Михаил Лебедевкöд да Виктор Савинкöд. Листалан водзö да аддзан гижöдъяссö Алексей Поповлысь да сылöн Василий Попов воклысь, Александра Мишариналысь, Агния Сухановалысь, Зоя Шиликовалысь, Иван Вавилинлысь, Иван Изъюровлысь да с.в.

Коми литература радейтысьяслы тайö бур козин. Дискысь гижысьясöс позьö аддзыны зэв кокньыда: алфавит либö сиктлöн ним серти, кöнi чужлöма сiйö либö мöд гижысь.

Елизавета МАКАРОВА.

Новости